اخــيــرا ً جيت

اخيرا جيت مثل الزوبعة لا جت بها الاقدار
فراقك عيد وجروحي ما بي غيري يعايدها
انا ويا الهوى سمن وعسل واليوم ملح ونار
لا عاد اسمع زغاريده ولا ابغي من يزغردها
حبيبي جايني بعديش بعد الذل بعد العار
فواتير الزمان اللي تخبره كنت اسددها
دخيلك لا تزيد الطين بله يكفي اللي صار
تراها واصله وان طعت شوري لا تزودها
ما دامك لا انت في بالي ولاانتب من حمام الدار
انا ليه انتخي واقوم الدنيا واقعدها
ما احبك واركب اعلى ماف..خيلك وان طرالك ثار
دفعتك في مهب الريح لين تروح في يدها
زمان بعود كبريت اتتوعد والزمان انذار
وجيت بغصن زيتون ومواويل ترددها
واعذارك تجمل قولها تدري بلاش اعذار
بلاش الحجه من الباب للطاقه توردها
فضحت العشق يخرب بيت عشق ماوراه اسرار
بعدما كنت اسولف له عن احلامي وسيدها
نا ياما تعبت ابحر واعكس الريح والتيار
وابل الشوق واشرب ميته واللهفة اجحدها
اغنى للمسا والشمعدان غنايه السمار
على ذكرى الشموع اللى طفت من دون ماافقدها
غديت اشتاق والله يانى اشتاق لجفاك امرار
غديت استوعب دموع التماسيح ومشاهدها
تبى تصبح لى الما والهوا والشمس والزمار
تبي تغدق على حب الخليقه واصبح اسعدها
ياشيخ استح على دمك ترى دم الكرامه فار
كشفت المستخبي والوعود اللى تسر مدها
مدام اخر زمن ليت الغرام واخر زمن صار
وعبرات الندم دقه قديمه روح جددها