قصيدة مــريـــم

مريم وتضحك يرق الما ويصفالي زماني
والمكان يطيب والرمان يتكدس هنيا


قلت رحلتنا تبي سكّر وترنيمة أغاني
جاوبتني هات الاغاني واترك السكّر عليّا


من شفايفها صباح الخير شكل وطعم ثاني
آه لو تدري وش تسوي صباح الخير فيّا


تاخذ الما من ايديه توصله شط الاماني
واهنيي كلما مريم خذتني من إيديّا


أذكر أول ماتلاقينا تسمّرت بمكاني
حاولت عيني تشوف الدرب مير القلب عيّا


الحلا فيها من أقصاها وما للزين داني
كل مافيها خلقه الله من طلعة محيّا


كل ما عز الطلب عندي وقالت لي عشاني
قلت من هاذي قبل هاذي وجابتني حميّا


قبلها ما طاعت أقدامي طريق الا عصاني
بعدها ما تم حلم أخضر بصدري ما تهيّا