لــعــب عــيــال

هنا نجلس أحسن ..أو هنا ..وين ماتبغين
أنا أحب هذا الركن لكن على أية حال


هنا أحسن ..أرمي معطف الفرو للتخمين
وفيه تعرفين أن أنا أحب هذا الشال


علامك علامك ساكته ليه ماتحكين
تبين أبتدي حاضرعلى امرك براحة بال


على نفس هذي الطاوله من ثلاث سنين
رمت بنت دبلتها الذهب وانكسر رجال


تمسك بها وحاول وحاول وحاول لين
بلا لين كان يحاول بكفة الأشكال


وشدّت يديها وارتفع صوتها وبعدين
أنا لازم أمشي وانت يكفيك لعب عيال


على احر من قلب أنهدم حاول المسكين
وعلى آقل من مهل الندم باعدت تختال


هنا مات حب ويبس قلب وتملت عين
من الملح وإندفنت حكاية فرح وآمال


وجيتي تبين نرجع اللي مضى الحين
أنا من ثلاث سنين بطلت لعب عيال