غــــبــــــي

لو بتحسبها على كثر الكلام
الحمام يدادي أكثر لو تبي !


ولو بتحسبها على وصل المرام
مابيوصلها سوى حر(ن) أبي


وانت عقلك لو حسبها بالتمام
مااندفعت وقلت لك بإنك غبي




:



:





إيــه سلّمتك مواثيق الغرام
قبل لا تصبح غريب واجنبي



قبل لايبدد علاقتنا الخصام
قبل لا اعدّك مسبب لتعبي



دربك اللي ضيّعه سرب الحمام
كان دربك .. كان مره مطلبي



صاحبي مايفيدنا كثر الهيام
دام واحدنا يخون ويكذبي



الخيانه في عيونك بإزدحام
واضحه مافي مجال تختبي



كنت بيدينك حبيبي قبل عام
قبل عام / كنت قمة مكسبي



يوم كان الحب يحرمنا المنام
يوم كان العشق يسبينا سبي



انتهيتك اي وربي ولا يلام
اللي ينهي كل علاقاته بغبي


قصيدة للشـاعره :: حره