إنكسار الحروف

كِلِما ذَابت حُروفي .. إنفِضت .. مِنـي حـروف
و ادعَت .. إنّي غَريبه .. وانّي كِلّي .. مُجرِمـه
إعذِريني يا حُروفي .. كِلنا .. بِحكـم الظُـروف
ما لنـا غيـر انتصبـر ع الجـروح المُؤلمـه
جَادَت أفكَاري .. بِكِلمه .. تِحتوي كِلَ الصنـوف
الأماني .. و المَعانـي .. و الـدُروب المُظلِمـه
بَسِ يا قَلبي .. حَسافه .. مَا لِقَت غير الرفـوف
تَحمِل افكَـاري عَليهـا .. و الخفايـا المُبهمـه
أعلَن الحِبر .. اكتئابه و انسِحابـه و العـزوف
يـومَ الاوهـام اعتلتنـا .. و النوايـا المُعتمـه
ياقَصيدة شوق ضَاعت .. بينِ أحلام و طيـوف
إحتويتي .. مِـن عَذابـي .. الزِوايـا المُعدمـه
إسمعيني و افهميني .. حِنا بِالدنيـا .. ضِيـوف
لو حَكيتي .. لا تِزيدي .. عَن كَـلام الهَمهَمـه
لا تِلوميني و لومي .. عينِ ما عَادَت .. تِشوف
غير الافكارَ الرَديه .. و الهَـزل .. و اللَملَمَـه
غَابت انوار الحَقيقه .. و ابتدا وقـت الكسـوف
يِِِظلِم اوجَاني و روحي .. و الهوى هَـم يِظلِمـه
مالي غير الحَرفِ مرسى .. لو كِساني كِلّي خوف
بَس يا حَرفي السُموحَه .. و الله انّـي مُرغمـه
كِلِما ذَابت حُروفي .. إنفِضت .. مِنـي حـروف
و ادعَت .. إني غَريبه .. وانّي كِلي .. مُجرِمـه
إعذِريني يا حُروفي .. كِلنا .. بِحكـم الظُـروف
ما لنـا غيـر انتصبـر ع الجـروح المُؤلمـه


للشاعرة :: جنون الشعر