هطول الثلج

كثرة هطول الثلج في يوم قاسـي
وأنا بوسط القطب لا انس لا جان
بردوعواصف والبلى في لباسـي
لا هو يدفيني وذا الوقت مـازان
أعصاب تتجمد ... وقلبٍ يقاسـي
وجروح تتجمع وذا الحب سلطان
اجمع حطب فرقاك واشد باسـي
وأقول مستانس وأنا كلي أحـزان
هذا السهر ينبت بداخـل نعاسـي
وأنا أداري خاطرٍ فيـك ولهـان
اشتقت لانفاسك تلامس حماسـي
وينك أداعب همسك وكل ماكـان
ياحبي الغالـي وأهلـي وناسـي
ياكيف تنساني وأنا طفل حيـران
بالله قلبك طـاوع تصيـر أسـي
والحب دوم يشبهك عود ريحـان
الله يبيحـك يامصـدع براسـي
لا تستهين البعـد وتقـول سيـان
هذاالأمل جنبي مجمـع كراسـي
دائم يقول اصبر مع الوقت بتبـان
وطيفك يقاسمني بقايـا الاماسـي
يسهر معي ليل المحبين نعسـان
حتى رغيف الحب بارد وقاسـي
صار يتفتت والهوى بات جوعان
يابنت حبك دوم بالقلـب راسـي
لوغيبتك طالت ولو ملت أزمـان
انتي عظيمه بس مانـي بناسـي
إن العظيم الله وأنا كلـي إيمـان
يأرب ترحمنـي إذا قـل باسـي
وتزيد لي في صفحه الصبرعنوان
أغفى على صدرالثلوج واقاسـي
من حضنها البارد ولاحولي إنسان
الله يسامح من هجرنـي وناسـي
والله يسامح من ترك خل شفقـان

للشاعر :: عبدالرحمن الهلالي